Вработените во ЈЗУ Општа болница Охрид, обединети со заедничка хумана цел, реализираа акција за поддршка на малата Ева од Охрид, која води тешка и храбра борба.

  • Синдикалната организација на ЈЗУ Општа Болница – Охрид донираше 120.000 денари,

  • а дополнително беа собрани уште 66.700 денари преку доброволни донации од вработените, поставени во кутии на одделите.

  Собраните средства се донирани за поддршка на лекувањето на Ева – како симбол на заедништво, хуманост и надеж.

  Оваа иницијатива е уште една потврда дека вработените во оваа установа покрај професионалната грижа, носат и големо човечко срце.

  Кога сме заедно во хуманоста – даваме надеж, сила и верба.

  На Ева и посакуваме многу сила, храброст и успешно закрепнување.